- Amharclann Náisiúnta   na Gaeilge
- Bunú na
  hAmharclainne
- An Chéad Stiúrthóir
- An Chéad Léiriú
- Ó Shin i Leith
- Nuadhrámaíocht
- An Todhchaí 

Bunú na hAmharclainne
_________________________________________________________________ Is iomaí forbairt atá tarlaithe san amharclann óna bunús i 1928, ach is ag tógáil ar an mbunchloch daingean a leag bunaitheoirí na hamharclainne, go mbeadh An Taibhdhearc mar ionad ag drámaíocht na Gaeilge agus go mbeadh nuadhrámaíocht na Gaeilge á spreagadh.

Tosaíonn scéal na Taibhdheirce sa bhliain 1927, tráth go raibh scéal i mbéal an phobail go raibh giúmar báúil, croíúil agus flaithiúil amach is amach ar an Aire Airgeadais, Earnán de Blaghad i leith na hamharclannaíochta.  An dúch fós te ar an mbunreacht agus faobhar le gluaiseacht athbheochan na Gaeilge, thug an Gaillimheach, An Dr. Séamus Ó Broin aghaidh ar Bhaile Átha Cliath agus fís faoin a ascaill aige, ag lorg tacaíochta ón Aire d’amharclann lán Ghaeilge.  Nuair a thug sé aghaidh abhaile arís bhí £600 faoin ascaill eile aige leis an bhfís a chur i gcrích agus is mar sin a tháinig an Taibhdhearc ar an saol i 1928.

Seanfhocal Ghaeilge is ea an focal Taibhdhearc, cumtha as meascán de ‘taibhsiúil’ agus ‘dearc’, is é an chiall atá leis ná radharc nó áit dhraochtúil, agus bhíar na bunaitheoirí go leor a chumadh agus a cheapadh agus a tharraingt as an aer le go n-éireoidh leis an amharclann.

Is beag cosúlacht a bhí ag Taibhdhearc na linne sin leis an bhfoirgníomh atá ann inniu.  Sean-halla go mba leis na Bráithre Aguistín sa tSráid Láir é agus nár baineadh úsáid as le blianta fada, a fritheadh ar cíos íseal don amharclann (níos mó ná mar a bhí áíoc ag na taibhsí a raibh cead a réime acu sa sean halla sular bhog an Taibhdhearc isteach ann.)

Amharclann Náisiúnta na Gaeilge ~ Bunú na hAmharclainne
An Chéad Stiúrthóir ~ An Chéad Léiriú ~ Ó Shin i Leith
Nuadhrámaíocht ~ An Todhchaí