- Stair agus forbairt na haisteoireachta ó aimsir na Gréigigh go dtí inniú.
- Téacsanna riachtanacha agus teicnící nua aimseartha (Method, Meisner, agus ar uile.)
- An stáitse agus an lucht féachanna agus an 'Ceathrú Balla'.
- Gluaiseacht.
- Fisicíocht agus an choirp - Coraíocht/Troid stáitse, Alexander technique, Yoga, Pilates agus rl.
- Obair le Frapanna (props)
- Improv agus éisteacht.
- Canúintí agus obair caractéireachta.
- Etiquette na stáitse agus go ginearálta.
- An Compántas agus an Aisteoir.
- An Aisteoir agus an scríobhneoir - Obair le scrioptanna.
- An Aisteoir agus an Stúirtheoir/Léirtheoir - Taithí leas stúirtheoireacht.
- An Aisteoir agus an Criú - Meas, Rólanna, Ríalacha agus ar uile.
- Taithí Bainistíocht Stáitse.
- An Aisteoir agus an Dlí - Cearta agus Equity.
- An Aisteoir agus an Gníomhaire.
- An Aisteoir agus an Bainisteoir.
- An Aisteoir agus Casting Director.
- An Résumé
- Griangrafanna (Headshots)
- Fís-rílanna (Showreels)
- An profisíuntacht ginearálta - obair laethúil an aisteora.
- Mar rogha, ar chostas breise: Seisiún le griangrafadóir profisiúnta
Beidh dhá chraobh ag Na Crosáin: Ardán agus Dordán. Beidh Ardán dírithe ar an aoisghrúpa 15 – 20. Beidh Dordán dírithe ar an aoisghrúpa 11 – 15.
Creaven House (le taobh Séipéal an Chladaigh)
Gach Satharn 12 – 2 i.n.
Seanscoil Sailearna, Indreabhán.
Gach Céadaoin 6 – 8 i.n.
€75 san semester (Samhain/Feabhra – Márta/Meitheamh)
Is as ceantar na Gaillimhe de Elaine agus tá sí 25 bliain d’aois. Thosaigh sí ag pléigh le drámaíocht ar bhun rialta agus í mar bhall don Chumann Drámaíochta san ollscoil. D’éirigh léi gradam aisteoireachta a bhaint amach agus í ar stáitse leo.
Tá sí tar éis Ard Dioplóma sa Drámaíocht a chuir i gcrích le hAcadamh na hOllscolaíochta Gaeilge. D’oibrigh sí le taobh Jack Cawley mar dhearthóir fuaime agus ansin mar oibritheoir fuaime ar an seó deiridh bliana, Cailíní na Monarchan le Frank McGuinness.
Bíonn sí ag obair le Branar Drámaíochta mar áisitheoir drámaíochta. D’oibrigh sí mar Oibritheoir Fuaime ar léiriú na Taibhdheirce de Cripil Inis Meáin le Martin McDonagh, a bhí ar stáitse le linn Féile Ealaíon na Gaillimhe 2009.
Tá Ard-Dioplóma sa Dramaíocht ó Ollscoil na hÉireann, Gaillimh bainte amach aici. Tá An County Boy, Fear an Tae, An Triail agus An Bacach ag Geataí na Flaithis ar chuid de na drámaí a raibh sí páirteach iontu le hAisteoirí an Spidéil. Tá Banraíon an Chéad Dhath, Áille & Allta agus Mamó Gé ar chuid de na drámaí a raibh sí páirteach iontu leis an Taibhdhearc. Ghlac sí páirt Nóra i léiriú Salamander de An Braon Aníos, Rohan i Cailíní an Mhonarcha le hAisteoirí an Acadaimh agus páirt Mamaí O’ Dougal sa dráma Cripil Inis Meáin. Is í a bhí mar bhainsiteoir léirithe ar Faoi Dheireadh Thiar don Taibhdhearc.
Maidir le hobair teilifíse, tá aithne uirthi mar Tara Ní Néill i Ros na Rún. I measc na scannán agus gearrscannán atá déanta aici tá Cré na Cille, (Scannáin Clocháin Teo), Gafa (Icebox Films) agus Nollaig Shona (Vico Films/Princess Pictures). Rinne sí dhá shraith eile do TG4, darbh ainm Rásaí na Gaillimhe (Great Western Films/Arbitrage Films) agus Na Cloigne (Rosg).
Tá iliomad drámaí léirithe ag Beartla ó bhí sé ar an Ollscoil agus tá gradaim bainte amach aige i réimse na Drámaíochta, ach seasann na drámaí Tá tú ag imeacht Uainn, a Johnny, Aislingí Grádha, agus Rámhaillí Fiabhrasacha Oídhche Lughnasa amach i saol dhrámaíocht na Gaeilge. Bhunaigh sé Carnivale na bPleotaí i 2006 agus bhain an chompántas seo gradaim don chompántas nua is fearr amach san Fhéile Ealaíona Togra ’06.
Is Stiúrthóir Léirithe Rua é Beartla, comhlacht neamhspléach atá lonnaithe sa Ghleann Mór, ar an gCeathrú Rua a chuireann seirbhísí léiritheoireachta, bainistíochta agus drámaíocht san oideachas ar fáil. Soláthraítear seirbhísí teicniúla i gcóiriú stáitse, soilsiú agus i bhfuaim chomh maith. Is léachtóir é le Roinn na dTaibh Ealaíon in Acadamh na hOllscolaíochta, Gaeilge.
Tá sé ina stiúrthóir ar Ros na Rún ó 2002 agus stiúraigh an clár fáisnéise Dochtúir na ndaoine do TG4 chomh maith le gearrscannáin do RTÉ, BBC NI, UTV, TV3 & TG4. Tá taithí go leor faighte aige i réimsí bainistíochta Teilifise chomh maith. Bhí sé mar léiritheoir cruthaitheach le EO Teilifís faoin scéim OFL de chuid TG4 agus Údárás na Gaeltachta.
