Éistigí... Caithfear Éisteacht!
Máirtín Ó Cadhain, a shaol agus a shaothar.
FÉILE EALAÍON NA GAILLIMHE / GALWAY ARTS FESTIVAL
Ionad / Venue: Seanscoil Sailearna, Indreabhán, Conamara, Co. na Gaillimhe.
Dáta / Date: 19 – 25 Iúil / July 2010.
Ticéid / Tickets: €15 / €10
Áirithintí / Bookings:
(091) 566577 www.galwayartsfestival.ie

Roinnt ticéid le díol ag Comharchumann Shailearna, Indreabhán: 091-593017

Céiliúradh ar shaol agus saothar Mháirtín Ó Cadhain, sárscríobhneoir na Gaeilge sa 20ú aois. Seó ilmheánach, fuinniúil, le scoth na n'aisteoirí, ceoltóirí agus damhsóirí Conamarach. Seo scéal scríobhneoir tréitheach a thuig a mhuintir agus a cheantar. Tabharfear ar ais muid tríd scéal Mhairtín Uí Chadhain trína shúile géara féin lé scéalaíocht, ceol agus damhsa na ndaoine.

A multimedia exploration of the great Máirtín Ó Cadhain, master writer of the Irish language in the 20th Century. His life and times, his people and his politics come to light through his sharp eyed observations of his own people. With the cream of Connemara acting, musical and dance talent, expect a fantastic experience under the watchful gaze of Máirtín himself, played by Macdara Ó Fatharta.

  • Maidhc P. Ó Conaola agus a chliar faoina stiúir sa dráma 'Éistigí... Caithfear Éisteacht!'
  • An t-aisteoir Mairéad Ní Chuaig. Is í a dhéanann páirt Mháirín sa dráma.
  • Bean na gCultacha Stephanie Healy, ag réiteach amach Bhríd Ní Churraoin don stáitse
  • Eoin Mac Diarmada agus Macdara Ó Fátharta atá ag glacadh páirt sa dráma 'Éistigí... Caithfear Éisteacht!' i Seanscoil Sailearna.
  • Joe Steve agus Máirín Uí Neachtain i mbun cleachta don dráma 'Éistigí... Caithfear Éisteacht!'
  • Joe Steve Ó Neachtain ag tógáil briseadh le linn cleachtaí.
  • Macdara Ó Fátharta i bpáirt Mháirtín Uí Chadhan.

Ón 19 – 25 den mhí seo cuirfidh Taibhdhearc na Gaillimhe seó ilmheán faoi scríbhneoir mór na Gaeilge, Máirtín Ó Cadhain os comhair an phobail in Amharclann Chois Fharraige ar an gCnoc nó i Seanscoil Shailearna mar is fearr aithne air. Is gearr go mbeidh sé dhá scór bliain ó bhásaigh an Cadhnach. Beidh cur síos sa taispeántas seo ar shaol Uí Chadhain agus ar chuid dá shaothar. Beidh togha an cheoil le cloisteáil chomh maith le togha na fonnadóireachta ó Róisín Elsafty. Chomh maith leis sin beidh míreanna scannán snoite thríd an léiriú ó thús deireadh.


(Cliceáil anseo chun an phóstaer mór a fheiceáil.)

Is beag duine nach bhfuil fhios acu go bé Máirtín Ó Cadhain a scríobh an t-úrscéal 'Cré na Cille'. Tá sé aistrithe i roinnt teangacha ina measc Béarla, Danmhairgis agus Ioruais. Ach ní feasach dom go bhfuil sé foilsithe i mBéarla fós. Ar ndóigh scríobh sé go leor eile freisin. Ba é a scríobh na leabhra gearrscéalta 'Braon Broghach' (1948), 'Cois Caoláire' (1953) agus an t-úrscéal 'Athnuachan' a fuair duais Oireachtais i 1951 ach nár foilsíodh go dtí 1995. Agus níl sé taobh leis an méid sin.

Oileadh an Cadhnach ina mhúinteoir scoile agus chaith roinnt blianta mar phríomhoide i Scoil Náisiúnta Chamuis i gConamara agus ina dhiaidh sin i Scoil Náisiúnta an Chairn Mhóir. Ba ansin a briseadh as a phost é i ngeall ar bhaint a bheith aige leis an IRA. Chaith Máirtin blianta mar oifigeach earcaíochta san IRA agus ceaptar go bé a d'earcaigh an scríbhneoir Brendan Behan agus Cathal Goulding a bhi i gceannas ar an IRA ina dhiaidh sin. Chaith sé cosamar cúig bhliana i gCampa Géibhinn an Churraigh i gCill Dara le linn an Dara Cogadh Domhanda mar gur measadh go mba contúirt é do neodracht an stáit, cosúil le go leor eile a caitheadh isteach ag an am céanna. Mhúin sé Gaeilge do go leor de na imtheorannaithe agus é faoi ghlas.

  • Léiritheoir / Director
  • Scríobhneoir Scripte / Script Writer

Fuair sé post le Rannóg an Aistriúcháin nuair a ligeadh saor é agus leag sé ansin ar an scríbhneoireacht cruthaíoch i ndáiríre. Fuair post mar léachtóir Gaeilge i gColáiste na Trionóide i 1956 agus ceapadh mar Ollamh le Gaeilge é i 1969. Bhí a chroí sa nGaeltacht agus i muintir na Gaeltachta. Chonaic sé an sclábhaíocht a d'fhuiling a mhuintir agus é ag éirí aníos agus ní iontas go raibh báidh aige le sóisialachas Uí Chonghaile agus le tuairimí Karl Marx agus Fredrick Engels ar feadh a shaoil.

Páirteach sa seó ilmheán seo faoi Mháirtín Ó Cadhain tá scoth na n-aisteoirí – Macdara Ó Fátharta, Joe Steve Ó Neachtain, Diarmuid Mac an Adhastair, Josie Chóilí Óg Ó Cualáin, Máirín Uí Neachtain, Eoin Mac Diarmada, spéirbhean na haimsire ar TG4, Mairéad Ní Chuaig, Bridie Ní Churraoin, an fonnadóir álainn Róisín Elsafty agus an ceoltóir cumasach Páidí Breathnach. Sé Joe Steve Ó Neachtain atá i mbun scripte agus sé Maidhc P. Ó Conaola atá i mbun léirithe. Bainigí taitneamh as!

Léiritheoir / Director: Maidhc P. Ó Conaola.
Scríobhneoir Scripte / Script Writer: Joe Steve Ó Neachtain.
Dearadh Seite / Set Designer: Seán Ó Flatharta.