|
Gradam Cuimhneacháin
Bháitéir Uí Mhaicín 1915 -1967
Comórtas Scripte - Drámaí
Fada
__________________________________________________________________
Tá ríméad ar
Thaibhdhearc na Gaillimhe a fhógairt gur ar Dharach Ó Scolaí as
Indreabhán, Conamara a bronnadh Gradam Cuimhneacháin Bháitéir Uí
Mhaicín, an sparántacht is mó, Gaeilge nó Béarla, in Éirinn faoi
láthair, as ucht an dráma atá scríofa aige Coinneáil Orainn.
Bronnadh €5,000 ar Dharach agus beidh Coinneáil Orainn
mar mhór-léiriú Fómhair na Taibhdheirce
2005.
Bronnadh
Gradam speisialta agus €2,500 ar Mhícheál Ó Conghaile chomh maith de
bharr caighdeán a dhráma Jude agus mar aitheantas ar dhráma eile
leis Go dTaga Do Ríocht. Tá Jude
ar chlár léirithe na Taibhdheirce i gcomhair
2006.
Bronnadh
dhá dhuais aitheantais ar bheirt
scríbhneoirí nua freisin - Caitríona Ní Chonaola (ar an dráma
Incubus
)agus Breandán Ó hEaghra (Gaeilgeoir Deireanach Charna) agus tá a gcuid saothair siúd
á léiriú againn i Séasúr Nua-dhrámaíocht atá á reachtáil i mí Márta agus mí Bealtaine
2005. Tá an Séasúr Nua-dhrámaíochta seo dírithe ar dheis a thabhairt do
scríbhneoirí nua taithí agus oiliúint a fháil ar an bpróiseas
léirithe chun go seasfaidh an taithí sin leo agus iad ag tabhairt
faoi dhrámaí eile a scríobh amach anseo.
Cuireadh Gradam Cuimhneacháin
Bháitéir Uí Mhaicín ar bun mar chuid lárnach de cheiliúradh 75
bliain na Taibhdheirce mar Amharclann Náisiúnta na Gaeilge, chun
scríbhneoirí na Gaeilge a spreagadh chun pinn agus chun torradh a
saothair a léiriú ar stáitse.
|
