Bhí mór-cheoldráma i nGaeilge agus mórchlaisicí cheol Gaelach na hÉireann léirithe ag Taibhdhearc na Gaillimhe, mar shampla de thraidisiún na hamharclainne i Séipéal Choláisteach San Nioclás i gCathair na Gaillimhe ar an 4ú agus 5ú lá de mhí Nollaig ag 8.00 i.n.

Bhí Seoda Na Nollag bunaithe ar sheó dár teideal Seoda ón Opera a raibh an-ráchairt air nuair a cuireadh os comhair an phobail é sa Dubhlann i mí Dheireadh Fómhair 2008 agus an taispeántas Glór le linn an Rás Aigéan Volvo a bheith i nGaillimh i mí Meitheamh seo caite.

Bhí Seoda Na Nollag léirithe ag Pádraigín Ní Lileas agus bhí buíon mór páirteach ann, ag cur saothar chumadóirí amhail Mozart, Verdi, Bizet, Puccini agus Franz Lehár i láthair.

Is é an cumadóir, Tom Cullivan, a chóirigh an ceol i gcomhar na ceolfoirne an tráth seo freisin, agus bhí an cheolfhoireann faoina stiúir. Is é Peadar Ó Treasaigh a bhí ina fhear an tígh. Bhí na clasaicí móra Gaelacha ar an gclár, chomh maith le meascán deas de charúil traidisiúnta na Nollag.

Léirigh mórthaispeántas na bliana 2008 agus taispeántas Glór go bhfuil léiriú, tionlacan, cóiriú agus aistriú an cheoil i nGaillimh ar ardchaighdeán. Níor cheart d’aon duine i nGaillimh a bhfuil suim acu in opera nó ceol,  bídis ina gcónaí san áit nó ar cuairt, an taispeántas Seoda na Nollag a chailliúint!