An Chéad Stiúrthóir
____________________________________________________________
Bhí grúpa díograiseach cruinnithe thart ar an mBeirneach faoin am seo, ina measc, Ollamh na dTeangacha Románsúla in Ollscaoil na Gaillimhe, Liam Ó Briain. Bhí dhá dheacracht mhór os comhair an ghrúpa seo, ganntanas aisteoirí agus ganntanas drámaí dúchasacha. 

Tháinig leigheas ar an dá fhadhb seo, sa ghearr théarma ar aon nós, nuair a thuirling Compántas Shakespeare Anew McMaster ar Ghailimhe le léiriú de ‘The Taming of the Shrew’. tharraing duine de na haisteoirí aird Uí Bhriain agus de réir an scéil, chas sé ar Phádraig Ó Conaire a bhí suite in aice leis agus chur sé an cheist, “Cé hé siúd?”, “Mícheál Mac Liammóir,” a d’fhreagair Ó Conaire, “tá greadadh Gaeilge aige.” Chuaigh siad chun cainte leis agus fostaíodh é mar Stiúrthóir Ealaíne.

Thug Mac Liammóir draocht agus dúthracht leis chuig an amharclann agus cuimhnítear air, fiú anois, mar dhuine a chur tús spleodrach le saol na hamharclainne.