An Fathach Leithleasach

Ticéid

Cuireann An Taibhdhearc An Fathach Leithleasach , i láthair ón 2–19 Nollaig.

Is scéal draíochta é seo faoi Fhathach cantalach leithleasach a ruaigeann páistí óna ghairdín álainn, agus ina gcastar a shaol bun os cionn - an osclóidh an fathach cantalach a chroí agus a ghairdín a roinnt riamh arís?

Bunaíodh an scéal ar The Selfish Giant le Oscar Wilde agus beidh lucht féachana idir óg agus aosta faoi dhraíocht ag domhan lán d’ainmhithe, plandaí agus crainn draíochta, áit a mbíonn gasúir, fathach cantalach agus sióg dhiabhalta ag canadh agus ag damhsa sa ghairdín neamhshaolta sin.

Beidh léirithe comhtháite comharthaíochta (ISL) ar fáil ar an 6 Nollaig ag 7 i.n. agus ar an 7 Nollaig ag an matinée ag 3 i.n.

Beidh léiriú suaimhneach ann freisin ar an 14 Nollaig, agus rochtain i mBéarla trí Sibrwd , an aip rochtana teanga arna forbairt ag Theatr Cymru. Is féidir lenár lucht féachana an aip a íoslódáil chuig a bhfóin chun fotheidil i mBéarla agus i nGaeilge a fháil. Tá an aip deartha chun an seó a dhéanamh éasca le leanúint, is cuma cén leibhéal Gaeilge atá agat.

Bíonn seónna scoile ar siúl ó Mháirt go hAoine.

Beidh seónna don phobal ar siúl tráthnóna Aoine, Satharn agus Domhnach.


Is féidir ticéid do léiriú suaimhneach a chur in áirithe san oifig ticéad sa Taibhdhearc, nó glaoch ar 091357011. Mar eolas, beidh caidreamh ag na haisteoirí agus a gcuid ainmhithe beaga cairdiúla leis an lucht féachana san amharclann.

Más mian leat suí in áit nach mbeadh aon rannpháirtíocht i gceist léi, cuir in iúl dúinn agus déanfaimid cinnte go ndéanfar do shuíocháin a chur in áirithe dá réir.

Más rud é go bhfuil tú ag réamh-áirithint páirceála i Hynes' Yard, is féidir leat an cód AFL10 a úsáid chun 10% de lascaine a fháil!

Cliar 

Oscar - Eoin Ó Dubhghaill 

Áine/Sioc - Inga De Búrca

Méabh/Sneachta - Molly Mew

Síóg/An Ghaoth Aduaidh - Orlaith Ní Chearra

An Fathach Leithleach - Micheál Ó Fearraigh 

Foireann Chruthaitheach

Stiúrthóir / Director: Muireann Kelly

Dearthóir Stáitse / Set Designer: Saoirse O'Shea

Dearthóir Feisteas / Dearthóir Feisteas: Clíodhna Hallissey

Dearthóir Soilsiúcháin / Lighting Designer: Sarah Jane Shiels

Dearthóir Fuaimeanna agus Cumadóir / Sound Designer and Composer: Denis Clohessy 

Script Teanga Chomharthaíochta na hÉireann / Irish Sign Language Script: Senan Dunne, Nöelle Cullen, Romy O’Callaghan

Ateangaire Teanga Chomharthaíochta na hÉireann / Irish Sign Language Interpreter: Shelley Gibbons