Oíche Chultúr
Gaeltacht na Cathrach
Dé hAoine 23ú Meán Fómhair 8pm ar aghaidh
Taispeántas sráide
Cruthóidh Fíbín sa Taibhdhearc Pop-Up Gaeltacht draíochtúil ar Shráid Láir na Gaillimhe. Ag tosú amach le banna práis, cuirfear iontas ar an lucht féachana le bleaist píosa ealaíne sráide dochreidte, a phléascfaidh amach ó gach cúinne den tsráid. Leanfaidh an lucht féachana an banna práis síos Bóithrín na Bláthaí, a bheas ceomhar agus mistéireach.Ar a dturas feicfidh siad; cór d’iascairí, damhsa na gcurach, amhránaí bearbóirí, damhsóirí aerga i ngéibheann, ceoltóirí traidisiúnta, teilgmhapáil le ceol func beo, bosca teileafóin ársa a sheinneann ceol céilí, agus seoladh an Caife sa Taibhdhearc.
Ealaíontóirí:
Fiachra Davoren, Sibéal Davitt, Julie Feeney, Kate Finnegan, Grooviculous, Galvian Way, Macmathúna, agus Banna Práis an 424.
An Triail
le Máiréad Ní Ghráda
3ú-7ú Deireadh Fómhair 10:30am & 12:pm
Fad: 1 uair
Ticéid: €16 an dalta múinteoirí saor in aisce!
Léiríonn Fíbín ‘An Triail’ le Máiréad Ní Ghráda, an dráma clasaiceach Nua-Ghaeilge. Seo leagan ar leith de ‘An Triail’ i stíl Fíbín a úsáideann; puipéid, maisc, radhairc tharraingteacha agus léirithe daonna chun lucht féachana óg a mhealladh. Téann an léiriú seo i bhfad lasmuigh den nádúr dubh agus bán atá sa chaint agus cuidíonn an seó na constaicí san fhoghlaim a shárú le seó fuinniúil, mealltach agus greannmhar.
Stiúrthóir: Cillian O Donnachadha
Cuireann AMA Music Agency i láthair
The 4 Of Us
le buíochas leis An Roinn Turasóireachta, Cultúir, Ealaíon, Gaeltachta, Spóirt agus Meán
8ú Deireadh Fómhair Doirse: 7:30pm
Bhunaigh na deartháireacha Brendan agus Declan Murphy ó bhaile an Iúir ar an teorann The 4 Of Us. Is banna iad atá an-chuid gradam bainte amach acu lena stíl féin, a mheascann ceol comhaimseartha le rac. Bainfidh an lucht féachana sult as buaicphointe a ngairm, SUGAR ISLAND (2016) díreach siar chuig a gcéad albam SONGS FOR THE TEMPTED (1989), albam a chuir a n-ainm in airde le MARY, chomh maith leis an amhrán rathúil a cruthaíodh ón dianghlasáil WAITING GAME.
€25
NUACHT
Éileamh ar mhaoiniú inbhuanaithe
Tá Bord An Taibhdhearc ag iarraidh ar Rialtas na hÉireann, go háirithe ar An Roinn Turasóireachta, Cultúir, Ealaíon, Gaeltachta, Spóirt agus Meán, aitheantas a thabhairt don éagothroime reatha sa mhaoiniú. Tá gealltanas á lorg againn ón rialtas an éagothroime seo a chur ina cheart tríd an tacaíocht airgeadais riachtanach a chur ar fáil le go mbeidh an amharclann náisiúnta Gaeilge in ann oibriú agus a bheith rathúil.
Cuirfidh maoiniú bliantúil de €2 mhilliún, mar aon le tiomantas do thimthriall maoinithe trí bliana ag an méid seo, ar chumas An Taibhdhearc a cuid aidhmeanna a bhaint amach. Tá luach na hinfheistíochta seo léirithe ANSEO.
Creidimid gur chóir gach ionad ealaíon a mhaoiniú sa chaoi is gur féidir a gcuid spriocanna a bhaint amach. Faigheann An Taibhdhearc codán fíor-bheag den bhunmhaoiniú straitéiseach a fhaigheann amharclanna Béarla in Éirinn (€320,000 in aghaidh na bliana).
Tá áit ar leith ag An Taibhdhearc i samhlaíocht mhuintir na Gaeltachta, agus cainteoirí Gaeilge ar fud oileán na hÉireann. Bhreathnaigh glúnta pobail Ghaeilge ariamh, maraon le healaíontóirí, drámadóirí agus an pobal i gcoitinne, ar An Taibhdhearc mar fhoras tábhachtach cultúrtha: ceann a thugann brí, braistint féiniúlachta agus muintearas, agus áit inar féidir taithí a fháil ar an amharclannaíocht agus ar na healaíona inár dteanga dhúchais agus i gcéad teanga oifigiúil na tíre seo.
Achoimre - Éileamh ar mhaoiniú inbhuanaithe