Neill | Pháidín Íomhá: Emilija Jefremova
Inniu, sheol An Taibhdhearc, Amharclann Náisiúnta na Gaeilge, suirbhé ar líne chun tuairimí ón bpobal a lorg maidir le Straitéis Nua na Taibhdheirce, do thréimhse 2028-2031.
Faoi láthair tá An Taibhdhearc ag feidhmiú de réir straitéis Síolta 2025-2027, arna maoiniú ag An Roinn Forbartha Tuaithe agus Pobail agus Gaeltachta. Mar chuid den straitéis sin, cruthaítear saothair nua Ghaeilge - is é SAOIRSE an saothar is déanaí. Is ceoldráma nua é a léiríodh den chéad uair ag Féile Ealaíon Idirnáisiúnta na Gaillimhe, agus tá sé ar siúl in Amharclann na Mainistreach an mhí seo, mar chuid d’Fhéile Imill Bhaile Átha Cliath.
Mar chuid den phróiseas chun straitéis nua a fhorbairt, is mian leis An Taibhdhearc tuairimí a bpáirtithe leasmhara a bhailiú. Tá An Taibhdhearc tiomanta do fhreastal a dhéanamh ar phobal na hamharclannaíochta, na healaíne, na Gaeilge agus na Gaeltachta go náisiúnta agus go hidirnáisiúnta. Tá An Taibhdhearc ag tnúth leis na tuairimí seo ar mhaithe le tuiscint, smaointeoireacht agus cinnteoireacht a láidriú.
Dúirt Alan Esslemont, Cathaoirleach Bhord an Taibhdhearc:
“Tá straitéis nua le déanamh ag An Taibhdhearc. Ba mhaith liom ceist a chur ar phobal na Gaeltachta agus ar phobal labhartha na Gaeilge. Deir muid sa Taibhdhearc gur muidne Amharclann Náisiúnta na Gaeilge. Céard leis a bhfuil na pobail seo ag súil ó Amharclann Náisiúnta na Gaeilge?”
Chun tacú leis an bpróiseas seo, tá suirbhé gearr ullmhaithe ag an Taibhdhearc. Fáiltítear roimh fhreagraí i nGaeilge agus i mBéarla araon. Beidh an suirbhé ar oscailt go dtí an 11 Deireadh Fómhair agus tá sé ar fáil ar shuíomh gréasáin na Taibhdhearc ag www.antaibhdhearc.com/suirbhe2026 .
Foilsithe 17 Meán Fómhair 2026. Nuashonraithe 7 Deireadh Fómhair 2026 chun an spriocdháta a athrú ón 9 Deireadh Fómhair go dtí an 11 Deireadh Fómhair.